Am Sunntig, 17. März 2019 isch de zwöitplaziird R. C. D. Fidell im Tägi z Gascht gsi. Di zwöit Halbziit hets in sich gha.
Obwohl d Gäscht us em Noieburger Jura ubedingd hend welle günne und d Maniacs das ubedingd hend welle verhindere, isch di erscht Halbziit ehnder ruhig gsi.
Di zwöit het dafür umso meh spannendi Momänt parat gha. Nach em 0:1 für d Gäscht hend d Maniacs alles versuechd, um zum Usgliich zcho. Es isch aber es harts Stück Arbed gsi, bis acht Spilminute schpöter de Usgliich gefalle isch. Aber scho im Gegezug het Fidell s Goal zum 1:2 chönne schüsse. Und wider hend d Maniacs sich und ihre Fans vil Geduld abverlangd, bis es i de 36. Minute 2:2 gheisse het. Fidell het dann de Goali als Fäldspiler iigsetzt und isch au zu guete Torchance cho, aber s glücklich Änd het uf de Site vo de Maniacs gläge. Bi nün Sekunde isch d Uhr, wo di verbliibend Spilzit aazeigd, stohblibe, wo en Schuss ufs leere Goal de 3:2-Siig für d Huusherre perfekt gmachd het.
E Zämmefassig mit allne Goal finded ihr do: