Zwöi Trickdieb verhafted

Symbolbild

Wi s Badener Tagblatt melded, hed d Polizei hüt zwöi rumänischi Trickdieb verhafted. Si hend uf eme Parkplatz en Maa bestohle gha.

Am Donnschtig, 7. März 2019 isch en 56-jährige Maa mit em sognannte Gäldwechseltrick überrumpled worde. En Maa het ihn ufeme Parkplatz aagschproche, ob er Münz für ihn het. Wo er s Portemonnaie fürre gnoh het, het er ihn abglenkd und sich im Notefach «bediend».

E Frau het das beobachted und au gseh, wi de Maa in es Auto gschtige isch, wo parat gschtande isch. Si het sofort d Polizei alarmiird und scho e Minute nachdem d Meldig iigange isch, het e Patrouille vo de Regionalpolizei s Auto gsichted, gstoppd und kontrollird. Di beide 33- und 34-jährige Rumäne sind verhafted worde. D Kantonspolizei het d Ermittlige gege di muetmassliche Kriminaltourischte ufgnoh.