Im Chraftwerk Wettige wird Triibguet entsorgd

Scho vor e paar Mönet und jetzt wider aktuell het s Badener Tagblatt brichted, dass es Chrafwerk a de Aare git, wo zwar Gschwemmsel bi de Räche usefisched, si aber unterhalb wider innerühred. Wi das z Wettige ghandhabd wird, hend mir vom EWZ welle wüsse.

Me cha dene Meldige fascht kei Glaube schenke, so verruckt hörd sich das aa. Plaschtik, Holz und was schuscht so alles i oiserne Flüss schwümmd, wird aneme Stauwehr usegfischt, aber statt es ordentli z entsorge, unterhalb wider innegrührt. D Empörig da drüber isch us oisere Sicht nachvollziehbar.
Mir hend vom Betriiber vom Chrafwerk Wettige, de EWZ welle wüsse, wi das do ghandhabd wird. D Mediestell vom EWZ het klar gschtelld, dass es settigs z Wettig ened git: «A dä ewz-Limmatkraftwerk entsorged mir alles us eusem Rechen entnommene Geschwemmsel i dä nächstgelegeni Kehrichtverbrennungsanlage. Das in Einklang mit dä gültige Wasserrechts-Konzessionen und dem geltende Eidgenössische Gewässerschutzgesetz, (GSchG) vo 1991», heissts i de Antwort, wo mir scho Änds letscht Johr, wo das Thema scho einisch i de Medie gsi isch, übercho hend.