Am Fritig chunnd d Botschafteri vo Slowenie uf Wettige

Am 1. März 2019 fiired di drü Landes-Chilene zämme mit de Methodischte de Wältgäbätstag. S Gaschtland Slowenie wird vo de Botschafteri vo de Republik Slowenie, de Marta Kos, vorgschtellt.
Jedes Johr am erschte Fritig im März isch de Wältgäbätstag. Fraue us em jewilige Gaschtland bereited dafür e Liturgii vor, wo uf de ganze Wält gfiired wird. Im 2019 stoht de Wältgäbätstag unter em Motto us Lukas 14: «Kommt, alles ist bereit!» Gaschtland isch Slowenie, es Land wo numme durch Öschtriich oder Italie vo de Schwiiz trännd isch und au en Aateil a de Alpe het. Gliichwohl isch es i de Schwiiz ehnder unbekannt.
Für Wettige ischs e bsunderi Ehr, dass s Gaschtland, wo während de Gottesdienscht jewils vergschtellt wird, i dem Johr vo de slowenische Botschafteri z Bärn, d Marta Kos, präsentiird wird. Im Aaschluss a de Gottesdienscht cha me bieme riichhaltige Apéro Spezialitäte us Slowenie gnüsse.
Alli Interessiirte sind uf di Sibni am Abe in di reformiirt Chile a de Etzelstross 22 iiglade.