Nachdem d Wettiger Futsaler nach em letschte Spiltag uf Rang 5 abgrutsch und dodemit us de Playoff-Plätz gheit sind, sind si jetzt wider uf Rang 4. En Siig über Fryburg machts möglich.
De Match zwüsche de AFM Futsal Maniacs und em Futsal Team Fribourg Old Fox isch in de erschte Halbziit usgliche gsi. Nach em frühe 1:0 für d Maniacs hend d Fryburger chönne usgliiche und mit 1:1 isch es au in d Pause gange.
Di 2. Spilhälfti isch dann klar vor de Heimmannschaft dominiirt worde. D Üechtländer hend numme selten en Aagriff bis vors Goal vo de Wettiger brochd und bim Stand vo 4:1 hend Maniacs sogar en Art Experiment gschtarted. Was genau gsi isch und au d Goal zum 5:1 und zum 5:2 gshend ihr in oisem Video. Ebeso es Kurz-Interview mit em Captain vo de Maniacs, em Alessandro Facchinetti: