Wettiger als Iisatzleiter z Basel

Zwüschem Badische Bahnhof und Basel SBB isch am Sunntigabe, 17. Februar 2019 en ICE entgleisd. Iisatzleiter für d Bergig vom Zug isch de Wettiger Martin Spichale.
Warum de ICE, wo vo Bärlin uf Interlake unterwegs gsi isch, entgleist isch, isch no ned bekannt. D Uswirkige sind aber im internationale Bahnverkehr schpürbar. No bis am Tsischtig werded Shuttlezüg zwüsche Basel SBB und Basel Bad verchere. So lang bruuchds, bis de Zug ewäg und d Gleis prüefd und wider befahrbar sind. An vorderschter Front isch bim Ruume en Wettiger. De Martin Spichale, wo bi de Füürwehr z Wettige Stabschef isch, isch brueflich bi de Füürwehr vo de SBB in ere leitende Position. Deshalb isch er bi dem Iisatz z Basel Iisatzleiter. Es Interview mit ihm cha me bim Badener Tagblatt aaluege.