D Guggemusik Räbeschläcker Wettige (die met de feine Pouletflügeli am Wettigerfäscht) organisiird e Fasnachtsparty am 23. Februar 2019. Ab de Achti am Abe gohts los.
Unter em Motto «Ahoi, volle Kraft voraus» wird am Samschtig inere Woche in de Leueschüür uf de Chloschterhalbinsle gfäschted. Sibe Gugge werded derbi si. Natürli d Organisatore selber, aber au d Dörfli-Geister vo Ramersbärg, d Bloser-Clique vo Bade, d Glunggephoniker vo Wislig, d Schnüffler-Clique vo Wettige, Tinitus vo Villmärge und d’Wildsäu vo Birmischtorf.
Fürs liiblichi Wohl isch durch e Kaffistube, e Shot-Bar und e Foodcorner gsorged.
De Iitritt choscht zäh Schtutz, Vollmaske chömmed gratis inne.
–