Nach em Siig gege Schottland hend d Futsaler bi de WM-Qualifikation z Bosnie de 2. Platz erreichd. Damit chömmeds i di nächscht Qualifikationsrundi.
D Schwiiz het mit eme fulminante Start im Match gege Schottland zeiged, dass s Team uubedingt wot günne. Schnell hets 1:0 und 2:0 gheisse, wobi s zweiti Goal durch en Penalty gfalle isch. De Alessandro Facchinetti vo de Wettiger Maniacs het de Strafstoss souverän verwandelt. Bis zur Pause isch oisi Nati mit 4:0 vorne gläge. De Trainer het dann vil la wächsle, damit möglichscht vili Spiler hend chönne Spilpraxis sammle. Gliichwohl hets Team us de Schwiiz de Match kontrolliirt und numme ein Aaschlusstreffer zueglah.
Nach em Match hets gheisse warte, ob Bosnie gege d Türkei würd günne, um de 2. Platz uf sicher z ha. Mit eme klare 7:2 het Bosnie d Schwiiz in di nächschti Rundi gschosse.
Glückwunsch de Schwiizer Futsal-Nati und de drü Wettiger Spiler!