Bi de WM-Qualifikation im Futsal het d Schwiizer Nati geschter de erschti Siig gfiired. D Türkei isch mit 3:2 gschlage worde.
Am Tsischtig hend Schwiizer Futsaler gege Bosnie verlore. Di erscht Halbziit isch no guet glofe, aber dann hets bi de Schwiizer es bits en Iibruch geh. D Bosnier, fascht alli Profis, sind au physisch sehr stark gsi, so dass d Schwiiz zu Recht de Kürzer zoge het.
Ganz anderscht isch es für d Schwiizer Futsal-Nati geschter gege d Türkei gloffe. De „Held“ vom Match isch de Alessandro Facchinetti gsi, wo schuscht für d Wettiger Futsal Maniacs spild. Mit allne drü Schwiizer Goal, wo er gschosse het, isch er eine vo de massgebliche Spiler gsi.
Am Fritig gohts jetzt bim letschte Match vom Qualifikationsturniir drum, durch en Siig gege Schottland de zwöit Tabelleplatz z erreiche.