Rund, chreisrund, ändlos und flüssend dreiht de Klarinettechor Wettige im Januar 2019 mit sim neue Programm uf. Mit eusne grade Instrumänt erzüged mer en rundi Sach und musiziered in ganz neue Sphäre vo de Klarinettemusig mit eusem unverwächselbar warme Klang.
Die schwyzwyt bekannti Saxofonischtin, d Alexandra Müller, beehrt eus grad drüüfach: I de „Suite de Danses“ zeigt sie ehres exzellänte Chönne mit em Bariton-, em Alt- und em Sopransaxofon. I de Komposition vom Franzos Jacques Schab finded sich Funk, Blues, Calypso, Klezmer und sogar en Marsch…und das i allne mögliche Takt- und Tonarte. Temperamentvolli Yflüss erfahrt das Programm mit eme Intermezzo us de Operette „die Hochzeit des Luis Alonso“, es Wärch vom Spanier Gerónimo Giménez, und eme argentinische Tango vom Marten Jense. Im grosse Finale ertönt denn s i de Blosmusigszene beschtens bekannti Wärch „El Camino Real“ vom Amerikaner Alfred Reed, bi eus sälbschtverschtändlech inere Fassig für Klarinettechor.
Freued Sie sich uf es farbigs, füürigs und abgrundets Konzert vom Klarinettechor Wettige im Januar 2019.
Aula Schulhuus Margeläcker Wettige
Samschtig, 19. Januar 2019, am Achti zobig Sonntig,
20. Januar 2019, am Foifi zobig
Chile Heilig Geist Züri-Höngg
nntig, 27. Januar 2019, am Foifi zobig
Ytritt gratis – Kollekte