Huuskehricht und Grüencontainer müend rechtzitig parat stoh

Sit em 1. Jänner 2019 isch nüm de Werkhof für de Huuskehricht und d Grüenabfuhr zueständig. Für d Bevölkerig bliibd fascht alles gliich, aber numme fascht alles. Öppis wichtigs gilts z beachte.
Viles blibt für d Iiwohner vo Wettige gliich im Blick uf d Kehrichtabfuhr, au wenn noi d Fa. Obrist Transport + Recycling AG fürs Abfuhrwese zueständig sich. D Täg für d Entsorgig vom Huuskehricht sind witerhin am Tsischtig und am Donnschtig, d Grüenabfuhr isch am Mittwoch und de Entsorgigskalender git Uskunft über d Spezialtermin für anderi Abfallarte.
Was sich cha ändere sind di konkrete Abfuhrziite, wi d Fa. Obrist mitteild. Will d Fahrzüüg anderi Route fahre, cha es passiire, dass öpper wo bisher in aller Rueh de Kehrichtsack erscht am Mittag parat gmachd het, in Zuekunft chönnd Pech ha. Um sicher z si, dass d Kehrichtsäck und d Grüencontainer uf jede Fall abghold werde, hilft en Blick ins Abfallreglement vo de Gmeind Wettige. Demnach müend d Kehrichtsäck und d Grüencontainer am Abfuhrtag jewils um Sibni am Morge am Strosserand parat stoh. Wer das beachtet wird au in Zuekunft kei Problem mit de Entsorgig ha.