Sit Jahre finded de Noijohrsapéro uf em Zäntrumsplatz statt. Der vom 1. Jänner 2019 aber ned!
Alli, wo sit Johre zum Noijahrsapéro gönd, ohni gross d Iiladig z läse, chönnted am Tsischtig en Überraschig erläbe. Si würded uf em Zäntrumsplatz nämli keis Fäschtzält, keine Gmeindröt und au kei Lüt (bzw. numme di paar, wo au ned genau gläse hend) gseh. D Noijohrsapéro 2019 find nämli wi immer üm Föifi am Namittag statt und au Maroni, Glühwii und Punsch wird offeriird, aber de Noiijohrsapéro isch vor de Chile St. Anton. (Di Mitteilig im Newsletter vo de Gmeind, dass de Apéro uf em Zäntrumspaltz sig, isch es Versehe und de Link, wo dete ageh isch, führt uf e leeri Site.)
De Grund für d Verlegig vom Apéro isch schint s Noiijohrskonzert, wo am 2. Jänner 2019 um Föifi ebefalls in de Antonius-Chile stattfind. Für s Konzert, wo normalerwiis im Tägi stattfind, bruuchds schints es Zält für de Apéro vor de Chile und das cha uf di Art zwöimol gnutzd werde.