D Kehrichtabfuhr vom Tsischtig wird zwöimol verschobe

Z Wettige gits zwöi Abfuhrtermin für de Huuskehricht, Tsischtig und Donnschtig. De Tsischtig-Temrin wird zweimol vorverschobe.
In de Wiehnachts- und in de Noijahrswoche chund es immer wider emol zuere Kollission vomene Abfuhrtag mit eme Fiirtig. Dismol triffts den Teil vo de Gmeind, wo de Huuskehricht jewils am Tsischtig entsorgd wird. De Termin vom 25. Dezember 2018 wird uf de 24. vorverlegt und der vom 1. Januar 2019 uf de 31. Dezember 2018.
Wil ab em 2019 au de Huuskehricht vo de Fa. Obrist iigsammlet wird und nümm, wi bisher, vom Werchhof, hend mir de Gmeinschriiber Urs Blickentrofer aagfröged, ob de Termin vom 31. Dezember dann scho vo de Fa. Obrist übernoh wird. Wils de Januar-Termin isch, wär das mögli gsi. Es isch aber ned eso. D Fahrzüüg, wo s noie Entsorgigsunternehme het müesse mit überneh, werded am 3. Januar 2019 de Fa. Obrist übergeh. Dademit isch klar: am 31. Dezember 2018 isch di letschti Tour vo de Kehrichtabfuhr, für di de Werchhof besorgd isch. Wer weiss, obs dann ned Lüt git, wo vom Strosserand de Werkhofmitarbeiter zuwinke oder ihne sogar Schöggeli oder so öppis schenke …