Wi mir scho geschter brichted hend, isch am 5. Dezember 2018 de Oil-Tankstelleshop a de Zentralstrass überfalle worde. D Kantonspolizei (Kapo) suecht Augezüüge.
«Vermummt und bewaffnet», schriibd d Kapo inere Mediemitteilig, het en Unbekannte d Tankstell überfalle. D Kapuze über de Kopf zoge und s Gsicht vermummt isch de Räuber kurz nach de Halbiachti am Abe in de Shop vo de Oil-Tankstell und het e Pischtole uf d Verchäuferin grichtet. Si het em Täter mehreri Gäldkasette geh und der isch dann mit mehrer tusig Franke Bargeld gflüchtet. D Polizei het nach de Alarmiirig mit zahlriiche Patrouille nach em Flüchtende gsuecht und en Polizeihund het in de Nöchi vom Tatort Chleidigsstück und d Waffe vom Täter gfunde, aber d Fährte het sich dann verlore.
D Verchäuferi het de Täter als öppe 20 bis 30 jährige Maa mit schlanker Statur beschribe. Er isch öppe 180 cm gross und het en dunkle Teint. Während em Überfall het er blaui Latexhendsche aagha.
D Kapo Bade Suecht Augezüüge, wo de Täter vo de Tat oder uf de Flucht ufgfalle isch. Bitte telefonisch melde unter 056 200 11 11.