De Räge schreckt d Bsuecher vom Offene Sunntig ab

Über de Sinn oder Unsinn vom Offene Sunntig z Wettige wird immer wider diskutiirt. Dismol hend aber wegem Räge au d Bsuecher gfehlt.
Wer in de letschte Johr bim Offnige Sunntig d Landstrass entlang gloffe isch, het immer vili Lüt troffe. Dismol, am 3. Dezember 2018 isch es dütlich leerer gsi. Es het dütlich weniger Ständ geh und dütlich weniger Bsuecher. Wenn es ned eso offensichtlich gsi wär, het me über d Gründ für di wenige Lüt chönne diskutiire, aber alli wo mir gfröged hend, sind sich einig gsi: Es isch de Räge gsi, wo zum dütliche Bsuecherrückgang gführt het.
Aber di wo cho sind, hend sich chönne überzüüge, dass s Wettiger Gwerb einiges z biete het, wobi ned numme s Gwerb sich zeiged het, sondern au diversi Verei, wi de FC und de Skiclub Rüsler, wo beidi au i de letschte Johr präsent si gsi.