Au i dem Johr sind d Samichläus mit Schmutzli und Esel uf Wettige cho. Am Samschtig, 1. Dezember 2018 sind d Chläus vom Dorf her uf de Zäntrumsplatz zoge.
De Chlaus hed sech mit Chindergärtner am Vieri uf em Lindeplatz troffe. Vo dete isch er med vellne Eltere, Grosseltere, Gottene, Göttis und de Polizei als Begleitig nach de Vieri losgange Rechtig Zäntrumsplatz. No meh Zueschauer und no meh Familieaghörige händ denn de Samichlaus und sini Begleitig bem Rebe-Chreisel nach de halbi 5 sehnlichst erwartet.
Inere chline Fiir mit Musik, Gsang und Gschechteverzälle esch den de Chlausizug uf em Zäntrumsplatz mit zahlriche Teilnehmer erfolgriich über d Bühni. Nebe dem händ d Bsuecherinne und Bsuecher au d Möglichkeite gnützt und sech mit Wurscht und feinem Glühwy s stärke. Wi de Wettiger Nochrichte z Ohre cho esch, heds de Chlaus das Johr bsonders streng i de kommende Woche, bis zo 200 Bsüech hed er i sim Terminplaner .. mer wünsched em Chlaus und sinere Begleitig vell gfreuts wo Sie dörfed vo de Chend ghöre.
Mer wünsched allne e schöni Adventsziit