Am Samstig, 24. November 2018 obigs gäg die 6i isch en Heli über Wettige chreised. Vili hend sich gfröged, was er suechd.
Es isch en Super Puma vo de Schwiizer Armee gsi, wo för ca. 30 Minute über Wettinge unterwägs und komplett unbelüchtet gsii isch. Selbst Positions- und Blinkliechter sind usgschalte gsii. Er hät Wäremibildkamera und Nachtsicht-Equipment a Board gha, wie eus d’Mediestell vo de Kapo Aargau bestätiged hät.
De Iisatz vo de Schwiizer Armee isch im Zämehang mit de Grossfandig nach Dämmerigsiibrächer vo de Kantonspolizei Aargau gsii. Die Grossfandig hät vorletschts und letschts Wocheend stattgfunde um d’Bevölkerig z’schütze und Iibrächer chönne z’verhafte.
D’Kantonspolizei hät wäder chönne bestätige no dementiere, ob de Helikopter wägemene aktuelle Delikt so lang über Wettinge chreist isch. Er isch im Zug vo dere Grossfandig ned numme z Wettige unterwägs gsii.