«Guitars and more» im Tägi

Obwohl s Tägi saniird wird, chönnd dete  Veraasstaltige stattfinde und zwar in de Sporthalle. Am Sunntig, 25. November 2018 wird Wettige zum «Gitarremekka», schriibed d Organisatore vo «Guitars and more».

Am Sunntig isch vom Zähni am Morge bis um Föifi am Namittag d Sporthalle vom Tägi en Treffpunkt für alli Gitarre-Fründe. Scho zum dritte Mol finded d Veraastaltig statt, bi dere sich kreativi Gitarrebauer präsentiire, aber au vil anders z gseh und z erläbe isch:  Pickups, Custom-Gitarre, E- und Akustik-Gitarre, Verstärker, Effektgrät, Bäss und au en Gitarre-Flohmärt wird’s geh. S Ziil sig, so schriibed d Veraastalter in ihre Mediemitteilig, de Gitarrebauer und exklusive Gitarrevertretige – jensits vo de bekannte Massehersteller – e gueti Plattform und de Bsuecher Gitarreleckerbiss z biete.
Witeri Informatione finded sich uf de Website vom Veraastalter.