Im Johr 2020 hed Wettige en Grund zum Fiire. Es esch dann 975 Johr her, dass Wettige zum erschte Mol inere Urkund erwähnt worde isch.
Wil me bi de meischte Ort ned weiss, wenn si würklich gründet worde sind, zähld me s Alter vomene Dorf, ere Stadt oder ere Gmeind ab de erschte Erwähnig inere Urkund. Nachdem Wettige im Johr 1995 s 950-Johr-Jubiläum med eme grosse 10-tägige Fäscht gfiired hed, gits im 2020i weder öppis z fiire. Wettige wird 975! Us dem Grund het d Gmeind es OK iigsetzt, wo es grosses Fäscht werd uf d Bei stelle. Zur Information und als Startschuss für d Vorbereitig hed Gmeind zämme mit em OK d Verein, Organisatione, politischi Pateie und d Chilene zuere Infoveranstaltig iiglade. S Datum vom Fäscht schtoht scho fescht, so dass mir euch empfehled, es scho emol in de Agenda iizträge: 14.-23. August 2020.