Ehrig für 40 Johr freiwilligs Engagement

 

Jewils im November lad di reformiirt Chilegmeind ihri freiwillige Mitarbeitende zum Mitarbeiterässe ii. I dem Johr hets e selteni Ehrig geh.

Vili froied sich scho s ganzi Johr ufs Mitarbeiterässe mit dem sich d Chilegmeind bi dene bedankd, wo en Teil vo ihre Freiziit iisetzed, um Noizuzüger- oder Geburtsbsüech zmache, in Chinder- oder Konflager derbi zsi, Samichläusle, bi de Spaghettata choche, bi de Seniorenamittäg serviired oder schuscht noimed sich für d Chilegmeind iisetzed. Bsunders werded jewils di begrüesst, wo noi i d Freiwillenarbet iigstige sind und di verdankt, wo es Jubiläum fiired. Vilicht zum erschte Mol isch daderbi öppe für 40 Johr Freiwilligenarbet verdankt worde. D Janni Meier het im 1978 aagfange bi de Seniorenamittäg z Noiehof z hälfe und isch in dere lange Ziit au in andere Briich engagiirt gsi und an s Ufhöre denkd so bis jetzt no ned…