Nach wi vor isch es vil z troche und damit blibt s Risiko für en Waldbrand höch. De Mottbrand i de Cholgrueb isch e dütlichi Warnig.
D Füürwehr und de Zivilschutz hend am Sunntig, 21. Oktober 2018 ab de Zwöi am Namittag am Lägerehang de Mottbrand bekämpft. Allei d Füürwehr het geschter und hüt 290 Mannstunde gleischtet. De Brand zeiged, wi höch d Waldbrandgfahr immer noch isch. Mit e chli Wind hetted d Folge vom Brand vil schwerwiegender chönne si.
Wichtig isch deshalb, d Grundregle iihalte, di eigentlich immer gelted, aber bi de momentane Trocheheit unverzichtbar sind:
- Grillfüür numme in bestehende Füürstelle aazünde.
- Füür immer beobachte und bi Funkeflug sofort löschen.
- E Füürstell erscht verlah, wenn s Füür ganz ablöscht isch.
- Zigarettekippe hend uf em Bode nüd verlore, im Wald scho grad gar ned.