Morn isch di nächscht Papiir- und Kartonsammlig

De HC Rot Wiiss und de SV Lägere sammled am Samschtig, 20. Oktober 2018 Papiir und Karton. Ab de Sibni am Morge sett alles a de Strass parat stah.
Gärn erinnered mir oiseri Läserinne und Läser an di nächsti Papiir- und Kartonsammlig. Ab em Sibni am Morge muess s Papiir und de Karton, trännt vonenend und in guet verschnüürte Bigeli a de Strass stah. D Bigeli dörfe nöd meh wi 5 kg schwer si. D Schnur sötte us Naturstoff wi öppe Hanf si. Plastik-, Draht oder Klebbandverschnürige sind verbote. Au Altpapiir in Trägtäsche isch nöd erwünscht, will es Lüt git, wo Huuskehricht drunter schmuggle, was s Recycling vom Papiir und em Karton schwer beiiträchtiged und gegenüber dene unfair isch, wo ihre Kehrricht ordentlich düent entsorge.

D Sammlig wird vom Hockeyclub Rot Wiiss und em SV Lägere organisird.

Kontaktperson isch de Beat Brunner (E-Mail: beat.brunner(at)buerglerag.ch)