D Regionalpolizei (Repol) Wettige-Limmattal het zwöi Männer verhaftet wo verdächtigt werde, us parkiirte Autos Wertsache s klaue. D Kantonspolizei (Kapo) füehrt di witere Ermittlige
Wi d Kapo mitteild, isch in de Nacht uf Tsischtig, 16. Oktober 2018 am Morge um Eis en Aawohner a de Gränzstrass uf zwöi Männer ufmerksam worde, wo di dete parkiirte Auto nöcher inspiziirt hend. De Aawohner het dann em 117 aaglütet und d PAtrouille vo de Kapo und de Repol sind usgruckt. Zäh Minute spöter het d Repol zwöi algerischi Asylbewerber aaghalte. De ältere vo denen beide 29- und 30-Jährige het mehreri Hundert Franke Bargäld bi sich gha. Für di witere Ermittlige sind di Männer de Kapo übergeh worde, wo e vorläufigi Feschtnahm verfüegd het. So wi es usgseht sind di beide für Diibstähl us abgschtellte Fahrzüüg verantwortlich.