Hüt entscheided de Iiwohnerrot übers Budget 2019

Am Donnschtig, 18. Oktober 2018 um Sibni am Abig started di 6. Sitzig vom Iiwohnerrot i dem Johr. S Haupttraktandum isch s Budget 2019 und da wird de Diskussionsbedarf gross si.
D Budgetsitzige bruuched immer vil Zit und wer en Blick uf d Fraktionsbricht und d Aaträg vo de Finanzkommission (Fiko) wirft, merkt schnell, dass de Diskussionsbedarf wird höch si. D Fraktion SVP isch de Meinig, de Gmeindrot spari nöd gnueg und müesst e klari Verzichtsplanig vorlägwe und d Fraktion SP/WettiGrüen wot e Stüürerhöchig uf 100 % beaatrage.
D Fiko stellt 9 Einzelaaträg (eigetlech sind es 12i, aber drü cha me abziehe, will si jewils de Aateil vo de Soziallaschte an zu striichende Lohn beträffed), vo dene föif vermuetlech wenig Diskussionsbedarf nach sich ziehnd. Si sind eistimmig beschlosse worde. Aber es bliibed föif, wo meh oder weniger umstritte gsi sind. Bsunders d Diskussione um d Integrationsstell und d Erhöchig vo de Pense bi de Schuelsozialarbeit dörfted zu Diskussione führe, wi au d Frog vom Gebäudeunterhalt im Margeläckerschuelhuus.
Me cha d Sitzig ab em Sibni am Abig im Rothuussaal miterläbe oderuf Twitter verfolge, wo mir – wenns kei technischi Probläm git  – über oisem Account über di wichtigschte Bschlüss brichte.