Es esch weder Birnelverchauf

Am 19. Oktober 2018 isch wider Birnelverchauf uf em Wochemärt uf em Rathusplatz. Wi immer am 1. Fritig nach de Herbstferie.
D Produktion vo Birnel lauft of Hochture. Au das Johr chamer sech am erste Fritig nach de Herbstferie e Johresrazion of em Rathusplatz ergattere. Früener esches Tradizion gsi, das Naturprodukt of de Gmeind z bstelle. Sit eingie Johr öbernimmt de Vogel- ond Naturschutzverein die Ufgab. Mit em Gnuss vo dere aromatisch süesse Masse, wo echli a Caramel erinnered, unterstützt mer de Erhalt vo de herrliche Hochstammobstbäum. Ond mer tuet sich sälber öpis guets, dänn Birnel esch sehr gsund, nährt, stärcht, esch liecht verdaulich ond bringt de Stoffwächsel in Schwung. Mer cha de Tusigsassa zom süesse bruche ond au för Grillmarinade, för Fleisch- ond Gmüesgricht. Rezäptbüechli send bem Märtstand zha.
De Vogel- ond Naturschutzverein verchauft s Birnel in ½ kg ond 1 kg Gläser am Wettiger Wochemärt, Rathusplatz, 19. Oktober vom 7:30 bis 11:00.
Froge beantworted d Susanne Berz, 056 426 09 39
oder per Mail d Helen Suter: hesuter@bluewin.ch