Am Mittwoch, 10. Oktober 2018 hend Betrüger z Wettige 100 Franke klaut. D Kantonspolizei (Kapo) warnt vor settige und andere Trick-Betrüger.
Imene Coiffeur-Salon z Wettige hend geschter zwei Manner es Haargel welle chaufe und mit ere grosse Note welle zahle. Wo di Aagstellti s Rückgäld het well uszahle, hend di beide Manner Verwirrig gstiftet, indem si de Iichauf hend welle rückgängig mache. Wo die beide Manner si fort gsi, het d Couffeuse feschtgstellt dass 100.- Franke in de Kasse fehled. Di alarmiirt Polizei het di Flüchtige aber ned chönne finde.
In de Mediemitteilig informiird d Kapo, dass settigi und anderi Betrugsversüech on letschter Ziit zugnoh hend, nachdem es vorher einigi Mönet ruhiger gsi isch. Si empfihltdeshalb Obacht z geh, z. B. au an Gäldautomate.