De FC isch Tabelleführer

Bim Spitzespil in de Gruppe 5 vo de 2. Liga interregional isch d Leader FC Dietike im Stadion Alteburg z Gascht gsi. Wettige het zeiged, was im Team steckt.

Mit Spannig isch de Match im Alteburg erwartet worde, isch es doch au drum gange, wer nach em Spiltag a de Tabellespitze stoht. Oise Traditionsklub het vor 400 Zueschauer e super Leischtig bote und scho in de 1. Halbziit zeiged, wer im Alteburg de Ton vorgit. Scho zur Pause isch de FC Wettige nach Goal vom Benjamin Meier (10′), em Anthony Gullo (32′) und em Leandro Lori to (39′) mit 3:0 vorne gläge. In de zwöite Spilhälfti het dann in de 70. Minute de Labinot Osmani de „Sack zuegmachd“. Wettige isch jetzt mit 2 Pünkt Vorsprung vor em FC Dietike Leader in de Tabelle.