De Lüscherhof in de Geisswiis isch bsunders für sini Erdbeeri bekannt. De Tobias Lüscher, wo de Hof in de Zwischeziit übernoh het, cha Aargauer Buur 2018 werde.
D Bevölkerig dörf mit abstimme, wer de Aargauer Unternehmerpriis vo de Landwirt sell übecho. Zäh Bürinne und Buure stönd zur Uswahl für de Priis, wo nach ere drüjährige Pause i dem Johr wider verliehe wird. Dotiirt isch er mit 20’000.- Franke und sell eme Landwirt für Innovation und Unternehmertum verliehe werde, wo sich durch Marktorientiirig und Nachhaltigkeit uszeichnet. Bim Tobias Lüscher sind es vor allem d Direktvermarktig und Usrichtig uf d Kundebedürfnis, wo sin Hof uszeichnet. Nebe de bekannte Erdebeeri het de Lüscherhof, wo sit füf Generatione vo de Familie bewirtschaftet wird, au Chriesi, Himbeeri, Zwetschge Kürbis, Cheminée-Holz im Aagebot. Au d Freilandeier, wo vo Hüehner in mobile Ställ stammed, sind es wichtigs Standbei.
Wenn ihr wend, dass de Tobis Lüscher gwünnd, dann gebed ihm hiir oiri Stimm: http://www.landwirtschaft.ag/Voting