Sit em 3. September 2018 ligt s Betriibsreglement 2017 vo de Flughafe Züri AG öffentlich uf. Di noi Startroute 28 würd bsunders Wettige und em Limmattal vil zusätzliche Fluglärm bringe.
D Vereinigung für erträgliche Fluglärm Bade-Wettige (VeFeF) isch alarmiirt. Im noie Betriibsreglement für de Flughafe sind bi Starts Richtig Weschte uf de Pischte 28 anderi Startroutene planed, wo noi zwüsche Wettige und Würelos selled führe. Bisher isch di Region bsunders bim Nachtbetriib vom Hauptschtartlärm betroffe gsi, noi sell si au am Tag de Hauptstartlärm müesse erträge. D VeFeF wehrt sich dagege, u.a. mit em Hiwiis uf d Lärmsolidarität, wo verletz würde, we me im Tag- und im Nachtbetriib de Hauptstartlärm müess erträge. Au s Lägereschutzdekret und witeri Pünkt bringed si ins Spiil.
Wer sich gege de zu erwartendi Fluglärm wot wehre, cha noch bis zum 2. Oktober 2018 bim Bundesamt für Zivilluftfahrt (BAZL) en Iisproch mache. D VeFeF het uf ihre Homepage dafür Informatione parat: http://www.vefef.ch/txp/?s=aktuell