De Circus Monti chunnd uf Wettige

Scho bald wird de Circus Monti uf de Zirkuswise sis Zält ufschlah. Ab em Mittwoch, 26. September 2018 sind z Wettige acht Vorstellige planed. 
Au im 2018 isch de Circus Monti mit sim aktuelle Programm z Wettige z Gascht. In de noie Monti-Inszeniirig entführt s 14-köpfige Artischteensemble d Zueschauerinne und Zueschauer in d Villa Monti, in d Wohnstube von ere fantastische Wohngmeinschaft. D Herusforderige und d Froide vom Zammeläbe bilded de rot Fade durch di artistische Höchschtleischtige und führed, so stohts im Programm vom Circus, zu amüsante, atemberaubende und zauberhafte Momänt.

Z Wettige gits folgendi Ufführige:

Mittwoch, 26. September um Drü am Namittag und um Achti am Abig
Donnschtig, 27. September um Zwöi am Namittag
Fritig, 28. September um Achti am Abig
Samschtig, 29. September um Drü am Namittag und um Achti am Abig
Sunntig, 30. September um Zwöi am Namittag und um Sächsi am Abig