Was mir scho am 21. Augscht 2018 gmelded hend, het d Gmeind jetzt bestätiged: D Abfallentsorgig wird ab em noie Johr vo de Firma Obrist, Transporte und Recycling AG us Noiehof übernoh.
Di beide Kehrichtfahrzüg vo de Gmeind hend es Alter erreichd, wo d Koschte für de Unterhalt stiiged und si früehe roder spöter hätte müesse ersetzt werde. Ufgrund vo de Grössi vo de Gmeind und em aafellende Kehricht, sind d Fahrzüg aber numme öppe zu 50 % usglaschted, was d Choschte erhöht. Us dem Grund het de Gmeindrot d Abteilig Bau und Planig beuftrait gha, d Abfallentsorgig vom Grüenguet (wo imene Teil vom Gmeindgebiet scho vo de Fa. Obrist duregführt worde isch) und em Kehricht uszschriibe. Föif Transportunternehme hend en Offerte iigreichd, schriibd d Gmeind inere Medieinformation. D Offerte vo de Fa. Obrist isch wirtschaftlich s günschtigscht gsi. Bim Werkhof gönd durch d Uslagerig zwöi Schtelle verlore, wo durch natürlichi Abgäng kompenssiird werde, währned bi de Fa. Obrist gliichzitig zwöi noii Stelle gschaffe werde.