Zwüsche de Usfahrt Schpreitebach und em Aaschluss Wettige-Oscht het am Mittag es Wisebord a de Autobahn aafange brönne. D Füürwehr Dietike und d Kapo Aargau sind im Iisatz gsi.
Öppe Zehabeis am Namittag vom 22. Auguscht 2018 het de TCS gmelded, dass es wegeme Waldbrand Verkehrsbehinderige d würdi geh. D Kapo het dann zwänzg Minute spöter twittered,dass d Füürwehr vo Dietike de Brand, wo vor em Frässbalke usbroche isch, schon gelöscht hetti. Zu dere Zit isch de rächti Fahrstreife wegem Iisatz no gschperrt gsi. Seit kurz ab de Zwöi sind alli drü Fahrstreife wider offe.
D Brandursach isch ois no nöd bekannt, aber es zeiged, dass es nach wie vor z troche isch und Vorschrifte fürs Füüre im Frei uubedingt müend iighalte werde.
de A1