S Huus Weiheräcker a de Staffelstrass 49 sell es «Huus vo de Musik» werde. Aber au s Huus vis-à-vis, wo d Spitex dine isch, ghörd jetzt de Iiwohnergmeind.
D Swisscom Immobilie AG, wo Bsitzerin vo dene beide Gebäud gsi isch, het si zum Verchauf usgschribe gha, schriibd Gmeind uf ihre Homepage. Ufgrund vo strategische Überlägige het de Gmeindrot bschlosse, di beide Hüüser z chaufe. S Huus Weiheräcker wird scho sit vilne Johr für d Musikschuel bruuchd und au d Ludothek isch dete unterbrochd gsi. Letschteri isch sit eme Zitli a de Mattestrass 26 im Untergschoss vom Chindergarte, so dass s Huus Weiheräcker in Zuekunft ganz für d Musikschuel zur Verfüegig stoht und so zueme «Huus vo de Musik» cha werde. Dahinter steckd au d Schuelruumplaning, wo e Zämmefüehrig vo de Rüümlichkeite vo de Musikschuel wot.
D Spitex Wettige-Noiehof, a de Rigistrass 10 iigmietet isch, het durch de Chauf vo de beide Hüüser jetzt en noie Mieter: statt de Swisscom isch es d Gmeind.