D Limmattalbahn sell zmitts durch Wettige führe

De Kanton Aargau het hüt de erschti Schritt gmachd, um d Verlängerig vo de Limmattalbahn z realisiire. Es goht um en Richtplaniitrag vo de genaue Linieführig.

Inere Mediemitteilig informiirt de Kanton über d Initiirig vom Prozess für en Iitrag im Richtplan vo de Verlängerig vo de Limmattalbahn vom Bahnhof Killwange-Schpreitebach über Noiehof und Wettige uf Bade. Vo hüt bis zum 16. November 2018 chönnd betroffeni Gmeinde und Regionalplanigsverbänd de Richtplaniitrag beurteile. Es goht drum, de konkret Korridor z definiire, durch den s Bahntrassee sell führe. Z Wettige isch e Limmatquerig vo Noiehof Richtig Tägi planed, e Witerführig durch s im kantonale Richtplan definiirte Baugebiet Wettige-Oscht und dann über d Landstrass uf Bade.