D Drüfachturnhalle im Margi isch iigweiht worde

Am Donnschtig, 16. August 2018 isch d Turnhalle im Margi offiziell ihrem Zweck übergeh worde. De Gmeindrot fürs Ressort Hochbau het dem für d Bildig en symbolische Schlüssel übergeh.

D Drüfachturnhalle im Margi isch scho mit em Beginn vom Schueljohr in Betriib gnoh worde, aber hüt isch d Eröffnig offiziell gfiired worde. I sinere Aasproch het de Gmeindrot Martin Egloff di guet Zammenarbet mit de Architekte und em Totalunternehmer betond. Als Architekt siged ihm drü Sache wichtig, so de Egloff: D Architektur, d Iihaltig vo de Termin und de Priis. Alles sig erfüllt und dadernit chönnd alli zfride si, einzig d Begehig in zwei Johr müesse no abgwarted werde. Danach het de Martin Egloff en symbolische Schlüssel em Sandro Sozzi übergeh, wo ihn für d Schuele gärn in Empfang gnoh het. D Vertreter vo de Schuele, de am Bau Beteiligde und us de Politik hend d an d Halle chönne besichtige und uf de glugnige Bau chönne aastosse.