Grillfüür sind teilwiis wider erlaubt

Trotz em lichte Räge i de letschte Täg, gilt für Waldbränd d Gfahrestufe 5 (vo 5). Bi meh wi 200 Meter Abstand zum Wald sind Grillfüür unter bstimmte Bedingige wider erlaubt.
Kontrolliirti Grillfüür sind im Aargau ab sofort wider erlaubt, wenn de Abstand vo 200 Meter zum Waldrand iighalte wird. E Rückfrog bim Gmeindschriiber Urs Blickenstorfer het ergeh, dass d Gmeind de Iischätzig vom Kanton wird folge und au z Wettige Grillfüür unter bstimmte Bedingige wider erlaubd sind.

Bi starkem Wind, aber au vor und nach Gwitter dörf im Freie keis Füür gmachd werde, au nöd im Grill, falls Funkeflug möglich isch. Für Gas- und Elektrogrills gilt di Iischränkig folglich nöd.
Grundsätzlich müend alli Vorsichtsmassnahme und de 200-Meter-Abstand zum Wald iighalte werde. S Fortrühre vo brönnende Raucherware und Zündhölzli blibd genauso verbote wis es Füür nöd z beufsichtige. Au müend Füür immer ganz abglöscht werde, so dass es weder Füür noch Gluetrescht git.

Informatione finded ihr uf de Website vo de Gmeind: http://www.wettingen.ch/de/aktuelles/aktuellesinformationen/?action=showinfo&info_id=552277