Brandgfahr isch no einisch gschtige

Wi de Kanton Aargau mitteild, gilt sit em Mentig, 30. Juli 2018 d Stuefe 5 vo 5 bi de Waldbrandgfahr. Damit sind alli Füür im Freie ab sofort verbote.

Wil es witerhin kei nennenswerti Niederschläge git und au keini in Ussicht sind, het sich d Gfahresituation witer verschärft. Di Aargauisch Gebäuderversicherig (AGB) het us dem Grund, gstützt ufs Brandschutzgsetz, es absoluts Füürverbot im Freie erlah. Damit sind jetzt au alli Grillfüür verbote, wo bi de Gfahrestuef 4 no erlaubt si gsi. Au Füürwerk isch vom Verbot troffe, was für Wettige aber kei bsunderi Rolle spiled, will d Gmeind scho i de letschti Woche e settigs Verbot erlah het. S Verbot gilt bis uf Widerruef. Brötle isch numme no mit Gas- und Elektrogrills erlaubd.

D Bevölkerung muess folgendi Vorsichtsmassnahme strikt iihalte:

  • kei Füür im Freie
  • keis Abbrönne vo Feüürwerk
  • kein brönnendi Raucherware und Zündhölzli fortrühre
  • Bim Brötle numme Gas- und Elektrogrills bruuch

Aazmerke isch au, dass Bränd vo de Füürwehr mit Trinkwasser gelöscht werde, en notwendige Iisatz also au zu Trinkwasserknappheit chönnd führe.