Im Kanton Aargau isch d Waldbrandgfahr vo de Stufe 3 uf 4 (vo 5) erhöht worde. Sit em 26. Juli 2018 um Zwölfi gilt es absoluts Füürverbot im Wald und am Waldrand.
Di aahaltend Trocheheit und di fehlend Ussicht uf Räge, wo d Situation chönnd entspanne, het dazu gführt, dass sit hüt keis Füür meh im Wald und in de Nöchi vom Wald dörf aazünd werde. Wi de Kanton mitteild, muess au für es kontrolliirts Grillfüür im Sidligsgebiet en Abstand vo 200 Meter vom Wald iighalte werde. Im Wald sind usdrücklich au Füür in befeschtigte Füürstelle verbote. S Verbot isch nötig, wil de Waldbode uströchnet isch und Brandgfahr sehr höch isch.
Au usserhalb vom Wald und em Waldrand isch bi kontrolliirte Grillfüür dringend druf z achte, di notwendige Sicherheitsbestimmige iizhalte.