Waldbrandgfahr vo mässig uf erheblich gstige

Trotz chliinere Rägefäll isch es witerhin dütlich z trocke. Das wirkt sich au uf d Gfahrestuefe bi de Waldbrandgfahr us.

Bi oiserm letschte Bricht über d Waldbrandgfahr hend mir wege de Ferie no bsunders uf d Situation in andere Kantön higwise. Im Aargau isch d Warnstuefe bi 2 gsi. Vor zwöi Täg isch si aber uf 3 erhöht worde. Si isch also vo „mässig“ uf „erheblich“ gstige. Bsunderi Massnahme und Verbot het de Kanton bisher nöd erlah, aber d grundsätzliche Vorsichtsmassnahme sind dringend iizhalte. U. a. heisst das, es Lagerfüür dörf me nöd unbeufsichtiged lah und es muess immer ganz abglöschd si, bevor me de Lagerplatz verlahd.