Es isch e fisi Masche, mit der Kriminelli versueched, älteri Mönsche übers Ohr z haue. Si behaupted am Telefon, si siged Polizischte.
D Kantonspolizei (Kapo) Aargau warnt vo Betrüger, wo im Moment in oiserm Kanton sehr aktiv sind. Geschter, Mittwoch, 12. Juli 2018 sind 20 Meldige bi de Kapo iigange und d Dunkelziffer dörfti dütlich höcher si. De Trick, wo di Verbrecher aawended, isch schnell erklärt: Si behaupted am Telefon, si siged vo de Polizei und s Vermöge vo de potentielle Opfer sig gfährded. Zur Sicherheit selled si Gäld, Schmuck und/oder anderi Wertgegeständ de Polizei – also ihne – aavertraue. Di meischte durchschaued das, aber immer wider gheied Lüt au dri. So het d Polizei geschter numme knapp zwei Seniore deco chönne bewahre, zehtuusigi vo Franke vo de Bank z hole. D Polizei empfild, settigi Telefon sofort z beende und älteri Lüt im Bekanntechreis uf den Trick ufmerksam z mache.