D Füürwehr mahnt zur Vorsicht bim Füüre

Hüt isch de letschti Schueltag und Familie mit Chind stönd 5 Woche Ferie bevor. In dere Zit wird sicher das einde oder ander Füür zum Brötle aazünd. Sind vorsichtig!

Im Kanton Aargau isch d Gfahrestuef für Waldbränd uf 2, was mässigi Waldbrandgfahr bedütet. Aber au da heisst es ufpasse und d Grundregle vom Füüre im Freie z beachte, wi d Füürwehr uf ihre Facebook site schriibd. Es Lagerfüür muess immer ganz abglöschd si, bevor me de Lagerplatz verlahd.

We me während de Ferie i de Schwiiz unterwägs isch, muess me zudem beachte, dass d Waldbrandgfahr in andere Kantön höcher cha si und es zum Teil au Iischränkige git, was Füür im Wald oder an Waldbränd betrifft. Jewils aktuelli Informatione gits hiir: http://www.waldbrandgefahr.ch/de/waldbrand/waldbrandgefahr/aktuelle-lage