Wi d Kantonspolizei (Kapo) mitteild, het si am Fritig und am Samschtig Gschwindigkeitskontrolle duregführt, bi dene nün Automoibilischte mit Gschwindigkeite zwüsche 114 und 122 km/h gmesse worde sind. Viir hend uf de Stell de Fahruswiis müesse abgeh.
Für d Vercherssicherheit innerorts isch d Regionalpolizei (Repol) und userorts d Kapo zueständig. So isch di Gschwindigkeitsmessig, wo usserhalb vo Wettige stattgfunde het, durch d Kapo duregführt worde. Wil in de Mediemitteilig vo Fritig und Samschtig und vo Wettige und Tägerfälde d Red isch, chönnd mir weder säge, an wellem vo de beide Täg d Kontrolle stattgfunde het, noch d Aazahl vo de Fahruswiisentzüg z Wettige. Aber eis isch klar: Es lohnt sich, Gschwindigkeitsbegrenzige z beachte!