Am Samschtig chunnd de Tabelleführer ins Stadion Alteburg

Bis zum Saisonänd muss de FC Wettige no viir Match bestrite. S Erschti davo isch am Samschtig, 19. Mai 2018, wo  de Leader us Zofige ins altehrwürdige Stadion Alteburg chunnt.
Nach em 3:1-Siig bim Tabellenachbar FC Dietike, wo Wettige in de Nachspilziit zu zwei Goal cho isch und somit 3 Pünkt het chönne mit hei neh, stoht jetzt e schwirigeri Ufgab bevor. Wenn am Samschtig um Föifi de Match aapfiffe wird, stoht mit em SC Zofige de Tabelleführer als Gegner uf em Platz. Numme zwöi Niderlage und zwöi Unentschide het de SC müesse iistecke. Alli andere Match hend d Weschtaargauer gunne.
De FC Wettige cha also d Unterstützig vo vilne Fans guet bruuche.