Hüt, 14. Mai 2018 isch es gege di Föifi am Abig uf de A1 zueme Uufall cho, wo de Fiirabigvercher um Wettige starch beiiträchtiged het. Uf de A1 hets in beide Richtige Stau geh.
Wi s Badener Tagblatt online brichted, isch am spote Namittag kurz nach em Bareggtunnel in Fahrtrichtig Züri en Lachtwage veruufallt. Er het d Mittelleitplanke durchbroche, so dass au d Autobahn in beide Richtige numme eispurig z befahre si gsi. De TCS het gmelded, dass de Vercher vo Bärn her sich bis zu 10 Kilometer zruck gstaut het. D Kantonspolizei (Kapo) het per Tweet dazu ufgfordered, d Region witrüümig z umfahre und mitteild, dass au d Ambulanz und d Füürwehr im iisatz sig. D Kapo het au es Föteli veröffentlichd, uf dem me nebem Uufallfahrzüüg s Fahrzüüg vo de Ölwehr vo de Füürwehr Bade gseht und dass vil Ölbindemittel bruuchd worde isch. In de Zwischeziit sind d Behinderig nüm eso starch, aber im Bareggtunnel staut de Vercher im Momänt immer noch.
#Neuenhof #Autobahn #A1 Unfall mit Anhängerzug, durchbrach Mittelleitplanke, Einsatzkräfte von Polizei, Feuerwehr und Ambulanz vor Ort im Einsatz. Verkehr wird stark beeinträchtigt. Bitte grossräumig umfahren. Danke fürs Verständnis.
— Kapo_Aargau (@Kapo_Aargau) 14. Mai 2018