Am Fritig, 2. März 2018 het es im Kreisel bim EW e Kollision zwüscheme Auto und eme Velo geh. De Autofahrer isch nach eme kurze Halt eifach witergfahre.
Es 16-jährigs Meitli isch hüt um Zwänzgabachti am Morge vo de Alberich Zwyssigstross her in de Kreisel bim EW gfahre und het Richtig Bade welle witerfahre, schriibd d Kantonspolizei (Kapo) in ere Mediemitteilig. Gliichzitig isch vo de Landstross her en öppe 40-50 jährige Maa ineme wiise Auto in de Kreisel gfahre, wo au Richtig Bade het welle. Im Kreisel isch s Auto mit em Velo zämmegschtosse und d Velofahrerin het müesse vom Velo gumpe. Si het denn bim Auto an d Frontschiibe chlopfed, aber de dunkelhaarig Maa het numme d Händ verrührt und isch dann witergfahre.
D Velofahrerin het de Autofahrer bi de Kapo verzeiged. Di suecht jetzt de Automobilischt und allfälligi Züüge. (Telefon 056 200 11 11)
Antworten
Du musst angemeldet sein, um einen Kommentar abzugeben.