De erschti Siig für Rotwiis isch gschaffd

Hüt, Samschtig, 17. Februar 2018 het Rotwiis sin erschte Match im Abstiigspool (Pool C) beschtritte. Gege de SV Arminen (AUT) het Wettige 2-1 gunne.
Schnell isch es gange, am Aafang vom Match, bis s erschti Tor gfalle isch. Kei Minute isch vorbi gsi, wo de Florian Feller zum 1-0 troffe het. Danach isch Rotwiis immer wider zu guete Chance cho und au d Öschtricher hend de Match uf kein Fall welle verlore geh, isch doch klar gsi, dass de Verlürer abstiige wird. Wo d Wettinger zwei kurzi Egge nachenand nöd ins Goal brochd hend und au nöd de Penalty, wo es direkt danach geh het, da isch d Sorg gwachse, das chönnti sich no räche. E paar Minute vor Schluss het de SV Arminen dann de Goalie vom Platz gnoh, um im Fäld in Überzahl spile z chönne. In de 36. Minute het de Armin Schmidt dann für de Usgliich durch en Penalty gsorged. Wettige het dann au de Goalie durch en Fäldspiler ersetzt und in de 37. Minute het de Manuel Keller für Rotwiis das so wichtigi Goal zur 2-1-Führig chönne schüsse. Di letschte Minute sind nerveufribend gsi, aber für de Gschtgeber het de Match es guets Änd gnoh. Mit em 2-1 und em 2. Platz im Pool C wird Entscheidig über de Klasseerhalt morn, Sunntig ab de Zähni am Morge falle, wenn de Gägner C.H. SPV Complutense (ESP) heisst.

1 Trackback / Pingback

  1. viagra

Antworten