De Traum vom Halbfinal isch platzt

Rotwiis het au de zweiti Match vom EuroHockey Indoor Club Cup, Men verlore. Wi scho im erschte Match het s Team en 2 – 0 Rückstand chönne egalisiire und wider hets nüd gnützt.
Wi scho im erschte Match hüt am Mittag isch Rotwiis gege Dinamo Elektrostal mit 2-0 in Rückstand grate. Das isch au glichzitig de Halbzitstand gsi. D Befürchtig, dass de Match höch verlore chönnd goh, het sich aber nöd bstätiged. S Wettiger Team het nach de Pause in de Match zruck gfunde. In de 24. Minute het de Manuel Keller durch e Strofegge uf 2-1 verchürzt und numme ei Minute spöter het de Florian Feller de Usgliich gschosse. Zwei Strofegge für Wettige hets Team leider nöd chönne verwandle, was sich spöter bitter grächd het. Ei Minute vor em Ändi het de Alexander Zhirkov für Elektrostal e Strofegge zum 3-2 chönne verwandle. Di verbkibend Ziit het für Rotwiis nöd glanged, um no einisch es Goal z schüsse, so dass de atch mit 3-2 verlore gang isch.

Ersten Kommentar schreiben

Antworten