Asylsuechendi schaffed bim Werkhof

Ab em Mentig, 12. Februar 2018 schaffed bim Werkhof zwei Asylsuechendi. Das passiirt im Rahme vom Bschäftigungsprojekt „Werkhof-Asylsuechendi“.

Bim aalaufende Pilotprojekte sind drü Mal zwei Asylsuechendi (Status N) für jewils acht Wochen im Werkhof bschäftiged. Di erschte beide Persone stammed us Eritrea, teild d Gmeind in ere Mediemitteilig mit. Si werded für Zügel- und Gartearbeite oder in de Kehrichtentsorgig iigsetzt. Für d Füehrig und d Betroiig vo de Asylsuechende isch de Leiter vom Werkhof, de Rémy Money zueständig.

D Arbeitserfahrige selled de Betroffene de Iistiig in d Arbetswält erlichtere, falls si en positive Asyl-Entscheid überchömmed.

S Projekt wird vom Kanton finanziell unterstützt und wird eng von de NCBI Schwiiz und de Beratigsstelle Ischtar begleited.

Ersten Kommentar schreiben

Antworten