Am Samschtig isch Papiir- und Kartonsammlig

Am Samschtig, 27. Januar 2018 esch di erscht Papiir-und Kartonsammlig vom Johr.
Ab em sibni am Morge set s Papiir und d Karton trännt vo enend und in guet verschnüürte Bigeli vo nöd meh wi 5 kg a de Strass stoh. D Schnür sete us Naturstoff wi öppe Hanf si. Plastik-, Draht oder Klebbandverschnürige sind verbote. Au Altpapiir in Tragtäsche isch nöd erwünscht, will es Lüt git, wo Huuskehricht drunter schmuggle, was s Recycling vom Papiir und em Karton schwer beiiträchtiged. Verantwortlich für d Sammlig isch Jungwacht/Blauring. Kontaktperson isch de Marc Güntensperger (E-Mail: marc.guenti(at)gmx.ch).