RotWiis het noii Trainer

Bim Wettiger Hockeyclub RotWiis überchömmed sowohl s Fraue-, wi au s Manner-Team noii Trainer. Bi de Manner sind es zwei bi RotWiis bekannti Gsichter.
Bi beiden Mannschafte erfolgd de Trainerwächsel uf de 1. April 2018, wi de Hockeyclub uf sinere Website bekannt git. Bi de 1. Mannschaft vo de Fraue wird de Chris Elste noier Trainer und Assistenz-Coach wird de bisherige Trainer, de Mario Spörri.
Bi de Manner chömmed de Peter Fischbach und de Michael Kloter, beidi bekannti Gsichter bim Hockeyclub RotWiis. Scho jetzt leitet de Peter Fischbach, assistiirt vom Philipp Keller, di «Geschicke der RWW Herren», wi es uf de Website heisst. De bisherig Trainer, de Marcus Ventar, wo in sine einehalb Johr z Wettige mit em Verei grossi Erfolg het chönne fiire, verlaht RWW per Ändi 2018.